তোমালৈ

 

✍ কৰৱী বৰুৱা
স্নাতক ষষ্ঠ ষান্মাসিক
লখিমপুৰ বালিকা মহাবিদ্যালয়।
কি বিচাৰো বাৰু মই সঁচাকৈ
কাৰ পৰা বিচাৰো
নিজৰ পৰা
নে তোমাৰ পৰা।

বিচাৰো কি বাৰু আচলতে
কজলা মেঘৰ আস্বাদন
নে অনুভৱৰ কেঁকুৰীত
সপোনৰ বাঁহীৰ সুৰ।

ক্ৰমশঃ সেউজীয়া হৈ পৰা বুকুত
হেৰাইছে দুখৰ ঠিকনা
এটুকুৰা
মাত্ৰ এটুকুৰা আকাশ কিনাৰ কথা আছিল
তোমাৰ নামত
কেৱল তোমাৰ নামত
মুঠি মুঠি তৰাৰ গুটি সিঁচাৰ কথা আছিল
স্বপ্নাতুৰ মনবোৰ ফুল হৈ ফুলিলহেতেন
তোমাৰ নামত
কিন্তু ???

নিবিচৰাকৈয়ে দেখোন পান কৰিবলৈ ধৰিছো
ধ্বংস- হিংসা- মৃত্যু- কাৰাগাৰ
হাঁহি আৰু হাহাকাৰ।
ক’ব নোৱাৰাকৈয়ে তোমাক
শুভকামনাৰে ভৰাই তুলিব বিচাৰো
পোহৰাব বিচাৰো তোমাৰ প্ৰতিটো আবেলি
তোমাৰ মনআকাশত বিৰিঙাব বিচাৰো
সেউজীয়া বৰষুণজাকৰ এচাৰেকনি
দিব বিচাৰো কেৱল তোমাক
এমুঠি সেউজীয়া
সেউজীয়া
আৰু সেউজীয়া……।

bipul bora

Leave a Reply