কবিতা লিখা ছোৱালীজনী

✍ জগদিশ বৰুৱা
প্ৰৱক্তা, ভূৰাগাঁও মহাবিদ্যালয়
অসমীয়া বিভাগ

কবিতা লিখে তাই
নাৰী সত্বাৰ কবিতা
জীৱন যুঁজৰ কবিতা ।
শব্দৰ মায়াজালে আঁকে তাই
বাস্তৱ কঠিনতাক শব্দৰে কোমল
কৰিব জানে তাই ।
তাইক ভুমুকিয়াই চালে…….
দেখি…….
নীৰ নিগিৰা তাইৰ বাস্তৱ
কঠিনতাৰ ছবি ।
কান্দিব নোখোজে তাই….।
হাঁহিৰ সফুঁৰাত সজীৱতা
ঢালি দিব জানে তাই ।
এখোজি দুখোজি কৈ
সপোন ৰথত উঠি
উজ্জ্বলতাক বিচাৰি চাই তাই ।
ব্ৰজ কঠিনতাক ভালপোৱা
তাই……..
বৰফ হব ও জানে ।
কাজল অকা চকুৰে
খিল খিল হাঁহিৰে
এজাক জোনাকী হৈ
এন্ধাৰবোৰক আঁতৰাব জানে তাই ।
মোৰো ভালে লাগে তাইক
কাৰণ……
তাই যে কবিতা লিখা ছোৱালীজনী ।

bipul bora

Leave a Reply